Skilgreining
Þrýstingssokkar tilheyra yfirflokknum 04 Hjálpartæki til meðferðar og þjálfunar og undirflokknum 0406 Hjálpartæki við blóðrásarmeðferð.
Styrkhlutfall og tíðni
Styrkhlutfall er 70% og er að hámarki hægt að sækja um 3x á ári.
Hvað þarf að hafa í huga þegar sótt er um þrýstingssokka?
- Í tilviki fyrstu umsóknar um þrýstingssokka skal umsögn læknis ætíð fylgja. Sjúkratryggingar Íslands geta áskilið að lagt sé fram vottorð sérfræðings um nauðsyn hjálpartækis.
- Að hámarki eru samþykkt 3 pör af þrýstingssokkum á 12 mánaða tímabili, þrýstingur skal að lágmarki vera 18 mmHg. Það þarf að koma fram á reikningi til Sjúkratrygginga Íslands.
- Aðeins er greitt fyrir þrýstingssokka vegna bjúgs af völdum bruna, langvinnra alvarlegra bláæða/sogæðavandamála eða langvarandi bjúgsöfnunar vegna lömunar.
Afhending á hjálpartæki
Stoðtækjafyrirtækið sendir hjúkrunarheimilinu þrýstingssokkana eða hjúkrunarheimilið sækir þá.
Nafnabreyting
Ekki er sótt um nafnabreytingu vegna þrýstingssokka.